হরিদৃষ্টা গোষ্ঠে মুকুর গতমাত্মানমতুলং
হরিদৃষ্টা গোষ্ঠে মুকুর গতমাত্মানমতুলং
স্বমাধুর্যং রাধাপ্রিয়তরসখী বাস্তুমভিতঃ।
অহো গৌড়ে জাতঃ প্রভুরপরগৌরৈক-তনুভাক।
শচীসূনুঃ কিং মে নয়নশরণীং যাস্যতি পুনঃ॥১॥
পুরীদেবস্যান্তঃ প্রণয়মধুনা স্নানমধুরো।
মুহুর্গোবিন্দোদ্যদ্বিশদ-পরিচর্যাৰ্চিতপদঃ।
স্বরূপস্য প্রাণাবুদকমলনীরাজিতমুখঃ
শচীসূনুঃ কিং মে নয়নশরণীং যাস্যতি পুনঃ॥২॥
দধানঃ কৌপীনং তদুপরি বহির্বস্ত্ররুণং
প্রকাণ্ডো হেমাদ্রিদ্যুতিভিরভিতঃ সেবিততনুঃ।
মুদা গায়ন্নুচ্চৈর্নিজমধুর-নামাবলিমসৌ।
শচীসূনুঃ কিং মে নয়নশরণীং যাস্যতি পুনঃ॥৩॥
অনাবেদ্যাং পূবৈৃরপি মুনিগণৈর্ভক্তি-নিপুনৈঃ
শ্রুতেগূঁঢ়াং প্রেমোজ্জলরস-ফলাং ভক্তিলতিকাম।
কৃপালুস্তাং গৌড়ে প্রভুরতিকৃপাভিঃ প্রকটয়ন
শচীসূনুঃ কিং মে নয়নশরণীং যাস্যতি পুনঃ॥৪॥
নিজত্বে গৌড়ীয়া জগতি পরিগৃহ প্রভুরিমান্
হরেকৃষ্ণেত্যেবং গণন-বিধিনা কীর্তয়ত ভোঃ।
ইতিপ্রায়াং শিক্ষাং জনক ইব তেভ্যঃ পরিদিশন
শচীসূনুঃ কিং মে নয়নশরণীং যাস্যতি পুনঃ॥৫॥
পুরঃ পশ্যন্ নীলাচলপতিমুরুপ্রেম-নিবহৈঃ
ক্ষরন্নেত্রাম্ভোভিঃ সুপিত-নিজদীর্ঘোজ্জ্বলতনুঃ।
সদা তিষ্ঠন্ দেশে প্রণয়ি-গরুড়স্তম্ভ-চরমে
শচীনুঃ কিং মে নয়ন-শরণীং যাস্যতি পুনঃ॥৬॥
মুদা দন্তৈর্দষ্টা দ্যুতিবিজিত-বন্ধুকমধরং
করং কৃত্বা বামং কটি-নিহিতমন্যং পরিলসন।
সমুল্থাপ্য প্রেম্না গণিত-পুলকো নৃত্যকুতুকী।
শচীসূনুঃ কিং মে নয়নশরণীং যাস্যতি পুনঃ॥৭॥
সরিত্তীরারামে বিরহ-বিধুরো গোকুলবিধো
র্নদীমন্যাং কুর্বন্নয়ন-জলধারাবিততিভিঃ।
মুহুর্মূর্চ্ছাং গচ্ছন্মৃতকমিব বিশ্বং বিরচয়ন।
শচীসূনুঃ কিং মে নয়নশরণীং যাস্যতি পুনঃ॥৮॥
শচীসূনোরস্যাষ্টমিদমভীষ্টং বিরচয়ৎ
সদা দৈন্যোদ্ৰেকাদতিবিশদ বুদ্ধিঃ পঠতি যঃ।
প্রকামং চৈতন্য প্রভুরতিকৃপাবেশবিবশঃ
পৃথু প্রেমাম্ভোধৌ প্রথিতরসদে মজ্জয়তি তম্॥৯॥
কোন মন্তব্য নেই