স্মরতু মনো মম নিরবধি রাধাম
স্মরতু মনো মম নিরবধি রাধাম।ধ্রু।
মধুপতিরূপ-গুণশ্রবণোদিত-সহজ-মনোভব বাধা॥
সুরুচিরকবরী-বিরাজিত-কোমল-পরিমল-মল্লিসুমালাম্।
মদচলখঞ্জন-খেলনগঞ্জন-লোচনকমল বিশালাম্॥
মদকরিরাজ বিরাজদনুত্তম-চলিত-ললিত-গতিভঙ্গীম্।
অতিসুকুমার কনকনবচম্পক-গৌরমধুর মধুরাঙ্গীম্॥
মণিকেয়ুর-ললিত বলয়াবলী-মণ্ডিতমৃদুভুজবল্লীম্।
প্রতিপদমত রূপচমকৃতি-মোহন-যুবতীমতল্লীম্॥
মৃদুমৃদুহাস-ললিতমুখমণ্ডল কৃতশশিবিম্ব-বিড়ম্।
কিঙ্কিণিজাল-খচিতপৃথুসুন্দরনবরসরাশি-নিতম্বম্॥
চিত্রিতকঞ্চলিকা-স্থগিতোদ্ভটকুচহাটক ঘটশোভা।
ফুরদরুণাধর-স্বাদুসুধারস কৃতহরি-মানসলোভাম্॥
সুন্দরচিবুক বিরাজিতমােহন-মেচকবিন্দুবিলাসাম্।
সকনকরত্নখচিত-পৃথুমৌক্তিক রুচিরুচিরোজ্জ্বল নাসাম্॥
উজ্জ্বলরাগ-রসামৃতসাগর-সারতনুং সুখরূপাম্।
নিপতিতমাধব-মুগ্ধমনোমৃগনাভিসুধারস কূপাম্॥
নূপুরহারমনোহরকুণ্ডলকৃতরুচিমরুণ-দুকূলাম্।
পথি পথি মদনমদাকুল-গোকুলচন্দ্ৰ-কলিত পদমূলাম্॥
রসিকসরস্বতীগীতমহাদ্ভুত-রাধা রূপরহস্যম্।
বৃন্দাবন-রসলালস-মনসামিদমুপগেয়মবশ্যম্।।
কোন মন্তব্য নেই