শ্রীশ্রী নৃসিংহ-কবচম্ -শ্রীনারদ উবাচ
ইন্দ্রাদিদেববৃন্দেশ! তাতেশ্বর! জগৎপতে!
মহাবিষ্ণোর্নৃসিংহস্য কবচং ব্রুহি মে প্রভো!
যস্য প্রপঠনাদ্ বিদ্বান্ ত্রৈলোক্য-বিজয়ী ভবেৎ ॥১॥
শ্রীব্রহ্মোবাচ-
শৃণু নারদ ! বক্ষ্যামি পুত্রশ্রেষ্ঠ ! তপোধন !।
কবচং নরসিংহস্য ত্রৈলোক্য-বিজয়াভিধম্ ॥২॥
যস্য প্রপঠনাদ্বাগ্মী ত্রৈলোক্য-বিজয়ী ভবেৎ।
স্রষ্টাহং জগতাং বৎস! পঠনাদ্ধারণাদ্ যতঃ ॥৩॥
লক্ষ্মীর্জগত্রয়ং পাতি সংহর্ত্তা চ মহেশ্বরঃ।
পঠনাদ্ধারণাদ্দেবা বভূবুশ্চ দিগীশ্বরাঃ ॥৪॥
ব্রহ্মমন্ত্রময়ং বক্ষ্যে ভূতাদি-বিনিবারকম্।
যস্য প্রসাদাদ্দুর্বাসাস্ত্রৈলোক্য-বিজয়ী মুনিঃ।
পঠনাদ্ধারণাদ্ যস্য শাস্তা চ ক্রোধ ভৈরবঃ ॥৫॥
ত্রৈলোক্য-বিজয়স্যাস্য কবচস্য প্রজাপতিঃ।
ঋষিñন্দশ্চ গায়ত্রী নৃসিংহো দেবতা বিভূঃ॥৬॥
ক্ষ্রৌং বীজং মে শিরঃ পাতুঃ চন্দ্রবর্ণো মহামনুঃ।
উগ্রং বীরং মহাবিষ্ণুং জ্বলন্তং সর্বতোমুখম্ ॥৭॥
নৃসিংহং ভীষণং ভদ্রং মৃত্যু-মৃত্যুং নমাম্যহম্ ।
দ্বাত্রিংশদক্ষরো মন্ত্রো মন্ত্ররাজঃ সুরদ্রুমঃ ॥৮॥
কন্ঠং পাতু ধ্রুবং ক্ষ্রৌং হৃদ্ভগবতে চক্ষুষী মম।
নরসিংহায় চ জ্বালামালিনে পাতু মস্তকম্ ॥৯॥
দীপ্তদংষ্ট্রায় চ তথাগ্নিনেত্রায় চ নাসিকাম্ ।
সর্বরক্ষোঘ্নায় সর্বভূত-বিনাশনায় চ ॥১০॥
সর্বজ্বর-বিনাশায় দহ দহ পচ দ্বয়ম্ ।
রক্ষ রক্ষ সর্বমন্ত্র স্বাহা পাতু মুখং মম ॥১১॥
তারাদি-রামচন্দ্রায় নমঃ পায়াদ্গুদং মম।
ক্লীং পায়াৎ পাণিযুগ্মঞ্চ তারং নমঃ পদং ততঃ।
নারায়ণায় পার্শ্বঞ্চ আং হ্রীং ক্লৌং ক্ষ্রৌং চ হুং ফট্ ॥১২॥
ষড়ক্ষরঃ কটিং পাতু ওঁ নমো ভগবতে পদম্ ।
বাসুদেবায় চ পৃষ্ঠং ক্লীং কৃষ্ণায় ঊরুদ্বয়ম্ ॥১৩॥
ক্লীং কৃষ্ণায় সদা পাতু জানুনী চ মনূত্তমঃ।
ক্লীং গ্লৌং ক্লীং শ্যামলাঙ্গায় নমঃ পায়াৎ পদদ্বয়ম্ ॥১৪॥
ক্ষ্রৌং নরসিংহায় ক্ষ্রৌঞ্চ সর্বাঙ্গং মে সদাবতু ॥১৫॥
ইতি তে কথিতং বৎস সর্বমন্ত্রৌঘবিগ্রহম্ ।
তব স্নেহান্ময়াখ্যাতং প্রবক্তব্যং ন কস্যচিৎ ॥১৬॥
গুরুপূজাং বিধায়াথ গৃহ্নীয়াৎ কবচং ততঃ।
সর্বপুণ্যযুতো ভূত্বা সর্বসিদ্ধিযুতোভবেৎ ॥১৭॥
শতমষ্টোত্তরঞ্চৈব পুরশ্চর্য্যাবিধিঃ স্মৃতঃ।
হবনাদীন্ দশাংশেন কৃত্বা সাধক-সত্তমঃ ॥১৮॥
ততস্তু সিদ্ধকবচঃ পুণ্যাত্মা মদনোপমঃ।
স্পর্দ্ধামুদ্ধূয় ভবনে লক্ষ্মীবাণী বসেৎ ততঃ ॥১৯॥
পূষ্পাঞ্জল্যষ্টকং দত্ত্বা মূলেনৈব পঠেৎ সকৃৎ।
অপি বর্ষ-সহস্রাণাং পূজায়া ফলমাপ্নুয়াৎ ॥২০॥
ভূর্জ্জে বিলিখ্য গুটিকাং স্বর্ণস্থাং ধারয়েদ্ যদি।
কন্ঠে বা দক্ষিণে বাহৌ নরসিংহো ভবেৎ স্বয়ম্ ॥২১॥
যোষিদ্ বামভূজে চৈব পুরুষো দক্ষিণে করে।
বিভৃয়াৎ কবচং পুণ্যং সর্বসিদ্ধিযুতো ভবেৎ ॥২২॥
কাকবন্ধ্যা চ যা নারী মৃতবৎসা চ যা ভবেৎ।
জন্মবন্ধ্যা নষ্টপুত্রা বহুপুত্রবতী ভবেৎ ॥২৩॥
কবচস্য প্রসাদেন জীবন্মুক্তো ভবেন্নরঃ।
ত্রৈলোক্যং ক্ষোভয়ত্যেব ত্রৈলোক্য-বিজয়ী ভবেৎ॥২৪॥
ভূত-প্রেত-পিশাচাশ্চ রাক্ষসা দানবাশ্চ যে।
তং দৃষ্টা প্রপলায়ন্তেদেশাদ্দেশান্তরং ধ্রুবম্ ॥২৫॥
যস্মিন্ গেহে চ কবচং গ্রামে বা যদি তিষ্ঠতি।
তং দেশন্তু পরিত্যজ্য প্রয়ান্তি চাতিদূরতঃ ॥২৬॥
ইতি -শ্রীব্রহ্মসংহিতায়াং ত্রৈলোক্য-বিজয়ং নাম শ্রীশ্রীনৃসিংহকবচং সম্পূর্ণম্ ॥
কোন মন্তব্য নেই