শ্রীশ্রীব্রহ্মসংহিতা
ঈশ্বরঃ পরমঃ
কৃষ্ণঃ সচ্চিদানন্দবিগ্রহঃ।
অনাদিরাদির্গোবিন্দঃ
সর্বকারণকারণম্।।১।।
চিন্তামনিপ্রকরসদ্মসু কল্পবৃক্ষঃ
লক্ষাবৃতেষু সুরভীরভিপালয়ন্তম্।
লক্ষ্মীসহস্রশতসম্ভ্রমসেব্যমানং
গোবিন্দমাদিপুরুষং তমহং ভজামি।।২৯।।
বেনুং ক্বনন্তম্-অরবিন্দ-দলায়তাক্ষং
বর্হাবতং-সমসিতাম্বুদ-সুন্দরাঙ্গম্।
কন্দর্পকোটি-কমনীয়-বিশেষ-শোভং
গোবিন্দমাদিপুরুষং তমহং ভজামি।।৩০।।
আলোলচন্দ্রক লসদ্-বনমাল্য-বংশী
রত্নাঙ্গদং প্রণয়কেলি-কলা-বিলাসম্।
শ্যামং ত্রিভঙ্গললিতং নিয়ত প্রকাশং
গোবিন্দমাদিপুরুষং তমহং ভজামি।।৩১।।
অঙ্গানি যস্য সকলেন্দ্রিয়-বৃত্তিমন্তি
পশ্যন্তি পান্তি কলয়ন্তি চিরং জগন্তি।
আনন্দচিন্ময়-সদুজ্জ্বল বিগ্রহস্য
গোবিন্দমাদিপুরুষং তমহং ভজামি।।৩২।।
অদ্বৈতম্-অচ্যুতম্-অনাদিম-অনন্ত-রূপম্
আদ্যম্ পুরাণ-পুরুষং নবযৌবনঞ্চ।
বেদেষু দুর্লভম্-অদুর্লভম্-আত্ম-ভক্তৌ
গোবিন্দমাদিপুরুষং তমহং ভজামি।।৩৩।।
পন্থাস্তু কোটি-শতবৎসর-সংপ্রগম্যো
বায়োরথাপি মনসো মুনিপুঙ্গবানাম্।
সোহপ্যস্তি যৎপ্রপদ-অসীম্ন্য-বিচিন্ত্য-তত্ত্বে
গোবিন্দমাদিপুরুষং তমহং ভজামি।।৩৪।।
একোহপ্যসৌ রচয়িতুং জগদন্ডকোটিং
যচ্ছক্তিরস্তি জগদন্ডচয়া যদন্তঃ।
অন্ডান্তরস্থ-পরমানু-চয়ান্তরস্থং
গোবিন্দমাদিপুরুষং তমহং ভজামি।।৩৫।।
যদ্ভাব-ভাবিত-ধিয়ো মনুজাস্তথৈব
সংপ্রাপ্য রুপমহিমাসনযানভুষাঃ।
সূক্তৈর্যমেব নিগমপ্রথিতৈঃ স্তুবন্তি
গোবিন্দমাদিপুরুষং তমহং ভজামি।।৩৬।।
আনন্দচিন্ময়-রস-প্রতিভাবিতাভি
স্তাভির্য এব নিজরূপতয়া কলাভিঃ।
গোলোক এব নিবসত্য-অখিলাত্ম-ভূতো
গোবিন্দমাদিপুরুষং তমহং ভজামি।।৩৭।।
প্রেমাঞ্জনচ্ছুরিত-ভক্তিবিলোচনেন
সন্তঃ সদৈব হৃদয়েষু বিলোকয়ন্তি।
যং শ্যামসুন্দরম্-অচিন্ত্য-গুণস্বরূপং
গোবিন্দমাদিপুরুষং তমহং ভজামি।।৩৮।।
রামদিমূর্তিষু কলানিয়মেন তিষ্ঠন্
নানা-অবতারম্-অকরদ্-ভুবনেষু কিন্তু।
কৃষ্ণ স্বয়ং সমভবৎ পরমঃ পুমান যো
গোবিন্দমাদিপুরুষং তমহং ভজামি।।৩৯।।
যস্য প্রভা প্রভবতো জগদন্ডকোটি
কোটিষ্ব-শেষ-বসুধাদি-বিভূতি-ভিন্নম্।
তদ্ ব্রহ্ম নিষ্কলম্-অনন্তম্-অশেষ-ভূতং
গোবিন্দমাদিপুরুষং তমহং ভজামি।।৪০।।
মায়া হি যস্য জগদন্ডশতানি সূতে
ত্রৈগুণ্য-তদ্-বিষয়-বেদ-বিতায়মানা।
সত্ত্বাবলম্বি-পরসত্ত্ব-বিশুদ্ধ-সত্ত্বং
গোবিন্দমাদিপুরুষং তমহং ভজামি।।৪১।।
আনন্দ-চিন্ময়রসাত্ম-তয়া মনঃসু
যঃ প্রাণিনাং প্রতিফলন্ স্মরতামুপেত্য।
লীলায়িতেন ভুবনানি জয়ত্যজস্রং
গোবিন্দমাদিপুরুষং তমহং ভজামি।।৪২।।
গোলোকনাম্নি নিজধাম্নি তলে চ তস্য
দেবী-মহেশ হরি-ধামসু তেষু তেষু।
তে তে প্রভাবনিচয়া বিহাতাশ্চ যেন
গোবিন্দমাদিপুরুষং তমহং ভজামি।।৪৩।।
সৃষ্টি-স্থিতি-প্রলয়-সাধন-শক্তিরেকা
ছায়েব যস্য ভুবনানি বিভর্তি দুর্গা।
ইচ্ছানুরূপমপি যস্য চ চেষ্টতে সা
গোবিন্দমাদিপুরুষং তমহং ভজামি।।৪৪।
ক্ষীরং যথা দধি বিকার-বিশেষ-যোগাৎ
সঞ্জায়তে ন হি ততঃ পৃথগস্তি হেতোঃ।
যঃ শম্ভুতামপি তথা সমুপৈতি কার্যাদ্
গোবিন্দমাদিপুরুষং তমহং ভজামি।।৪৫।।
দীপার্চিরেব হি দশান্তরম্-অভ্যুপেত্য
দীপায়তে বিবৃতহেতু-সমান ধর্মা।
যস্তাদৃগেব হি চ বিষ্ণুতয়া বিভাতি
গোবিন্দমাদিপুরুষং তমহং ভজামি।।৪৬।।
যঃ কারণার্নবজলে ভজতি স্ম যোগ
নিদ্রামনন্ত-জগদন্ড-সরোমকূপঃ।
আধার-শক্তিম-অবলম্ব্য পরাং স্বমূর্তিং
গোবিন্দমাদিপুরুষং তমহং ভজামি।।৪৭।।
যস্যৈকনিশ্বসিত-কালমথাবলম্ব্য
জীবন্তি লোমবিলোজা জগদন্ডনাথাঃ।
বিষ্ণুর্মহান্ স ইহ যস্য কলাবিশেষো গোবিন্দমাদিপুরুষং তমহং
ভজামি।।৪৮।।
ভাস্বান্ যথাশ্মশকলেষু নিজেষু তেজঃ
স্বীয়ং কিয়ৎ প্রকটয়ত্যপি যদ্বদত্র।
ব্রহ্মা য এষ জগদন্ডবিধান-কর্তা
গোবিন্দমাদিপুরুষং তমহং ভজামি।।৪৯।।
যৎপাদ-পল্লবযুগং বিনিধায় কুম্ভ
দ্বন্দ্বে প্রণামসময়ে স গনাধিরাজঃ ।
বিঘ্নান্ বিহন্তুমলমস্য জগৎত্রয়স্য
গোবিন্দমাদিপুরুষং তমহং ভজামি।।৫০।।
অগ্নির্মহী গগনম্বু মরুদ্দিশশ্চ
কালস্তথাত্ম-মনসীতি জগৎত্রয়াণি।
যস্মাদ্ভবন্তি বিভবন্তি বিশন্তি যঞ্চ
গোবিন্দমাদিপুরুষং তমহং ভজামি।।৫১।।
যচ্চক্ষুরেষ সবিতা সকলগ্রহণাং
রাজা সমস্তসুরমূর্তির-অশেষতেজাঃ।
যস্যাজ্ঞয়া ভ্রমতি সংভৃতকালচক্রো
গোবিন্দমাদিপুরুষং তমহং ভজামি।।৫২।।
ধর্মোহথ পাপনিচয়ঃ শ্রুতয়স্তপাংসি ব্রহ্মাদিকীটপতগাবধয়শ্চ
জীবাঃ।
যদ্দত্তমাত্র-বিভব-প্রকট-প্রভাবা
গোবিন্দমাদিপুরুষং তমহং ভজামি।।৫৩।।
যস্ত্বিন্দ্রগোপম-অথবেন্দ্রম-অহো স্বকর্ম
বন্ধানুরূপ-ফলভাজনম-আতনোতি।
কর্মাণি নির্দহতি কিন্তু চ ভক্তিভাজাং
গোবিন্দমাদিপুরুষং তমহং ভজামি।।৫৪।।
যং ক্রোধকামসহজ-প্রণয়াদিভীতি
বাৎসল্য-মোহ-গুরু-গৌরব-সেব্য-ভাবৈঃ।
সঞ্চিন্ত্য তস্য সদৃশীং তনুমাপুরেতে
গোবিন্দমাদিপুরুষং তমহং ভজামি।।৫৫।।
শ্রিয়ঃ কান্তাঃ কান্তঃ পরমপুরুষঃ কল্পতরোব
দ্রুমা ভূমিশ্চিন্তামণিগণময়ী তোয়ম্-অমৃতম্।
কথা গানং নাট্যং গমনমপি বংশী প্রিয়সখী
চিদানন্দং জ্যোতিঃ পরমপি তদ্-আস্বাদ্যমপি চ।।
য যত্র ক্ষীরাব্ধিঃ স্রবতি সুরভীভ্যশ্চ সুমহান্
নিমেষার্ধাখ্যো বা ব্রজতি ন হি যত্রাপি সময়ঃ।
ভজে শ্বেতদীপং তমহমিহ গোলোকমিতি যং
বিদন্তস্তে সন্তঃ ক্ষিতিবিরলচারাঃ কতিপয়ে।। ৫৬।।
হরে কৃষ্ণ হরে কৃষ্ণ কৃষ্ণ কৃষ্ণ হরে হরে ।
হরে রাম হরে রাম রাম রাম হরে হরে।।
**********************************************
কোন মন্তব্য নেই