শ্রীলক্ষ্মীনৃসিংহাষ্টোত্তরশতনামস্তোত্রম্
শ্রীনৃসিংহদেবায় নমঃ।
॥ শ্রীলক্ষ্মীনৃসিংহাষ্টোত্তরশতনামস্তোত্রম্ ॥
উগ্রং বীরং মহাবিষ্ণুং জ্বলন্তং সর্বতোমুখম্।
নৃসিংহং ভীষণং ভদ্রং মৃত্যুমৃত্যুংনমাম্যহম্ ॥
গর্জন্তং গর্জয়ন্তং নিজভুজপটলং স্ফোটয়ন্তং হঠন্তং
রূপ্যন্তং তাপয়ন্তং দিবি ভুবি দিতিজং ক্ষেপয়ন্তং ক্ষিপন্তম্।
ক্রন্দন্তং ঘোষয়ন্তং দিশি দিশি সততং সংহরন্তং ভরন্তং
বীক্ষন্তং ঘূর্ণয়ন্তং করনিকরশতৈর্দিব্যসিংহং নমামি ॥
নারসিংহো মহাসিংহো দিব্যসিংহো মহাবলঃ।
উগ্রসিংহো মহাদেবঃ স্তংভজশ্চোগ্রলোচনঃ ॥১॥
রৌদ্রঃ সর্বাদ্ভুতঃ শ্রীমান্ যোগানন্দস্ত্রিবিক্রমঃ।
হরিঃ কোলাহলশ্চক্রী বিজয়ী জয়বর্ধনঃ॥২॥
পঞ্চাননঃ পরংব্রহ্ম চাঘোরো ঘোরবিক্রমঃ।
জ্বলন্মুখো জ্বালমালী মহাজ্বালো মহাপ্রভুঃ॥৩॥
নিটিলাক্ষঃ সহস্রাক্ষো দুর্নিরীক্ষ্যঃ প্রতাপনঃ।
মহাদংষ্ট্রায়ুধঃ প্রাজ্ঞশ্চ-কোপী সদাশিবঃ ॥৪॥
হিরণ্যকশিপুধ্বংসী দৈত্যদানবভঞ্জনঃ।
গুণভদ্রো মহাভদ্রো বলভদ্রঃ সুভদ্রকঃ॥৫॥
করালো বিকরালশ্চ বিকর্তা সর্বকর্তৃকঃ।
শিংশুমারস্ত্রিলোকাত্মা ঈশঃ সর্বেশ্বরো বিভুঃ॥৬॥
ভৈরবাডংবরো দিব্যশ্চাচ্যুতঃ কবিমাধবঃ।
অধোক্ষজোক্ষরঃ শর্বো বনমালী বরপ্রদঃ॥৭॥
বিশ্বংভরোদ্ভুতো ভব্যঃ শ্রীবিষ্ণুঃ পুরুষোত্তমঃ।
অনঘাস্ত্রো নখাস্ত্রশ্চ সূর্যজ্যোতিঃ সুরেশ্বরঃ॥৮॥
সহস্রাবাহুঃ সর্বজ্ঞঃ সর্বসিদ্ধিপ্রদায়কঃ।
বজ্রদংষ্ট্রো বজ্রনখো মহানন্দঃ পরন্তপঃ ॥৯॥
সর্বমন্ত্রৈকরূপশ্চ সর্বযন্ত্রবিদারণ।
সর্বতন্ত্রাত্মকোব্যক্তঃ সুব্যক্তো ভক্তবৎসলঃ ॥১০॥
বৈশাখশুক্লভূতোত্থশরণাগতবৎসলঃ।
উদারকীর্তিঃ পুণ্যাত্মা মহাত্মা চ-বিক্রমঃ॥১১॥
বেদত্রয়প্রপূজ্যশ্চ ভগবান্ পরমেশ্বরঃ।
শ্রীবৎসাঙ্কঃ শ্রীনিবাসো জগদব্যাপী জগন্ময়ঃ ॥১২॥
জগতপালো জগন্নাথো মহাকায়ো দ্বিরূপভৃত্।
পরমাত্মা পরঞ্জ্যোতির্নির্গুণশ্চ নৃকেসরী ॥১৩॥
পরতত্ত্বং পরংধাম সচ্চিদানন্দবিগ্রহঃ ।
লক্ষ্মীনৃসিংহঃ সর্বাত্মা ধীরঃ প্রহ্লাদপালকঃ ॥১৪॥
ইদং শ্রীমন্নৃসিংহস্য নাম্নাং অষ্টোত্তরং শতম্।
ত্রিসন্ধ্যং যঃ পঠেদ্ভক্ত্যা সর্বাভীষ্টমবাপ্নুয়াত্ ॥১৫॥
॥ ইতি শ্রীলক্ষ্মীনৃসিংহাষ্টোত্তরশতনামস্তোত্রং সংপূর্ণম্ ॥
কোন মন্তব্য নেই