গোপীগণের বিরহ গীতি (গোপী গীত)
(শ্রীমদ্ভগবত দশম স্কন্ধ ৩১ অধ্যায়)
গোপ্য ঊচুঃ
জয়তি তেহধিকং জন্মনা ব্রজঃ
শ্রয়ত ইন্দিরা শশ্বদত্র হি।
দয়িত দৃশ্যতাং দিক্ষু তাবকা
স্তয়ি ধৃতাসবস্ত্বাং বিচিন্বতে ॥১॥
শরদুদাশয়ে সাধুজাতসৎ-
সরসিজোদরশ্রীমুষা দৃশা।
সুরতনাথ তেহশুল্কদাসিকা
বরদ নিঘ্নতো নেহ কিং বধঃ ॥২॥
বিষজলাপ্যয়াদ্ব্যালরাক্ষসাদ্
বর্ষমারুতাদ্বৈদ্যুতাললাৎ।
বৃষময়াত্মজাদ্বিশ্বতো ভয়াদ্
ঋষভ ! তে বয়ং রক্ষিতা মুহুঃ ॥৩॥
ন খলু গোপিকানন্দনো ভবান্
অখিলদেহিনামন্তরাত্মাদৃক্ ।
বিখনসার্থিতো বিশ্বগুপ্তয়ে
সখ উদেয়িবান্ সাত্বতাং কুলে ॥৪॥
বিরচিতাভয়ং বৃষ্ণিধূর্য তে
চরণমীয়ুষাং সংসৃতের্ভয়াৎ।
করসরোরুহং কান্ত কামদং
শিরসি ধেহি নঃ শ্রীকরগ্রহম্ ॥৫॥
ব্রজজনার্তিহন্ বীর যোষিতাং
নিজজনস্ময়ধ্বংসনস্মিত।
ভজ সখে ভবৎকিঙ্করীঃ স্ম নো
জলরুহাননং চারু দর্শয় ॥৬॥
প্রণতদেহিনাং পাপকর্ষণং
তৃণচরানুগং শ্রীনিকেতনম্ ।
ফণিফণার্পিতং তে পদাম্বুজং
কৃণু কুচেষু নঃ কৃন্ধি হৃচ্ছয়ম্ ॥৭॥
মধুরয়া গিরা বল্গুবাক্যয়া
বুধমনোজ্ঞয়া পুষ্করেক্ষণ।
বিধিকরীরিমা বীর মুহ্যর্তী
অধরসীধুনাপ্যায়য়স্ব নঃ ॥৮॥
তব কথামৃতং তপ্তজীবনং
কবিভিরীড়িতং কল্মষাপহম্ ।
শ্রবণমঙ্গলম্ শ্রীমদাততং
ভুবি গৃণন্তি যে ভূরিদা জনাঃ ॥৯॥
প্রহসিতং প্রিয়প্রেমবীক্ষণং
বিহরণং চ তে ধ্যানমঙ্গলম্।
রহসি সংবিদো যা হৃদিস্পৃশঃ
কুহক নো মনঃ ক্ষোভয়ন্তি হি ॥১০॥
চলসি যদ্ব্রজাচ্চারয়ন্ পশূন্
নলিনসুন্দরং নাথ তে পদম্ ।
শিলতৃণাঙ্কুরৈ সীদতীতি নঃ
কলিলতাং মনঃ কান্ত গচ্ছতি ॥১১॥
দিনপরিক্ষয়ে নীলকুন্তর্লৈ
বনরুহাননং বিভ্রদাবৃতম্ ।
ঘনরজস্বলং দর্শয়ন্ মুহুর
মনসি নঃ স্মর বীর যচ্ছসি ॥১২॥
প্রণতকামদং পদ্মজার্চিতং
ধরণিমন্ডনং ধ্যেয়মাপদি।
চরণপঙ্কজং শন্তমঞ্চ তে
রমণ নঃ স্তনেষ¦র্পয়াধিহন্ ॥১৩॥
সুরতবর্ধনং শোকনাশনং
স্বরিতবেণুনা সুষ্ঠু চুম্বিতম্ ।
ইতররাগবিস্মারণং নৃণাং
বিতর বীর নস্তেহধরামৃতম্ ॥১৪॥
অটতি যদ্ ভবানহ্নি কাননং
ত্রুটি যুগায়তে ত্বামপশ্যতাম্ ।
কুটিলকুন্তলং শ্রীমুখং চ তে
জড় উদীক্ষতাং পক্ষ্মকৃদ দৃশাম্ ॥১৫॥
পতিসুতান্বয়ভ্রাতৃবান্ধবান্
অতিবিলঙ্ঘ্য তেহন্ত্যচ্যুতাগতাঃ।
গতিবিদস্তবোদ্গীতমোহিতাঃ
কিতব ঘোষিতঃ কস্ত্যজেন্নিশি ॥১৬॥
রহসি সংবিদং হৃচ্ছয়োদয়ং
প্রহসিতাননং প্রেমবীক্ষণম্ ।
বৃহদুরঃ শ্রিয়ো বীক্ষ্য ধাম তে
মহুরতিস্পৃহা মুহ্যতে মনঃ ॥১৭॥
ব্রজবনৌকসাং ব্যক্তিরঙ্গতে
বৃজিনেহন্ত্র্যলং বিশ্বমঙ্গলম্ ।
ত্যজ মনাক্ চ নস্ত¡ৎস্পৃহাত্মনাং
স্বজনহৃদ্রুজাং যন্নিষূদনম্ ॥১৮॥
যৎ তে সুজাতচরণাম্বুরুহং স্তনেষু
ভীতাঃ শনৈঃ প্রিয় দধীমহিকর্কশেষু।
তেনাটবীমটসি তদ্ব্যথতে ন কিং স্বিৎ
কূর্পাদিভিভ্রমতি ধীর্ভবদায়ুষাং নঃ ॥১৯॥
(ইতি গোপীগীত)
কোন মন্তব্য নেই