শ্রী ব্রহ্মো বাচ
নৌমীড্য তেহভ্রবপুষে তড়িদম্বরায় গুঞ্জাবতংসপরিপিচ্ছলসন্মুখায় ।
বন্যস্রজে কবলবেত্রবিষাণবেণু লক্ষ্মশ্রিয়ে মৃদুপদে পশুপাঙ্গজায় \ ১০.১৪.১
অস্যাপি দেব বপুষো মদনুগ্রহস্য স্বেচ্ছাময়স্য ন তু ভূতময়স্য কোহপি ।
নেশে মহি ত্ববসিতুং মনসান্তরেণ সাক্ষাত্তবৈব কিমুতাত্মসুখানুভূতেঃ \ ১০.১৪.২
জ্ঞানে প্রয়াসমুদপাস্য নমন্ত এব জীবন্তি সন্মুখরিতাং ভবদীয়বার্তাম্ ।
স্থানে স্থিতাঃ শ্রম্নতিগতাং তনুবাঙ্মনোভি র্যে প্রায়শোহজিত জিতোহপ্যসি তৈস্ত্রিলোক্যাম্ \ ১০.১৪.৩
শ্রেয়ঃসৃতিং ভক্তিমুদস্য তে বিভো ক্লিশ্যন্তি যে কেবলবোধলব্ধয়ে ।
তেষামসৌ ক্লেশল এব শিষ্যতে নান্যদ্ যথা স্থুলতুষাবঘাতিনাম্ ১০.১৪.৪
পুরেহ ভুমন্ বহবোহপি যোগিন স্ত্বদর্পিতেহা নিজকর্মলব্ধয়া ।
বিবুধ্য ভক্তৈ্যব কথোপনীতয়া প্রপেদিরেহঞ্জোহচ্যুত তে গতিং পরাম্ \ ১০.১৪.৫
তথাপি ভুমন্মাহিমাগুণস্য তে বিবোদ্ধুমর্হত্যমলান্তরাত্মভিঃ ।
অবিক্রিয়াৎ স্বানুভবাদরূপতো হ্যনন্যবোধ্যাত্মতয়া ন চান্যথা \ ১০.১৪.৬
গুণাত্মনস্তেহপি গুণান্ বিমাতুং হিতাবতীর্ণস্য ক ঈশিরেহস্য ।
কালেন ষৈর্বা বিমিতাঃ সুকল্পৈ ভূর্পাংশবঃ খে মিহিকা দ্যুভাসঃ \ ১০.১৪.৭
তত্তেহনুকম্পাং সুসমীক্ষমাণো ভুঞ্জান এবাত্মকৃতং বিপাকম্ ।
হৃদ্বাগ্বপুর্ভির্বিদধন্নমস্তে জীবেত যো মুক্তিপদে স দায়ভাক্ \ ১০.১৪.৮
পশ্যেশ মেহনার্যমনন্ত আদ্যে পরাত্মনি ত্বয্যপি মায়িমায়িনি ।
মায়াং বিতত্যেক্ষিতুমাত্মবৈভবং হ্যহং কিয়ানৈচ্ছমিবার্চিরগ্নৌ \ ১০.১৪.৯
অতঃ ক্ষমস্বাচ্যুত মে রজোভুবো হ্যজানতস্ত্বৎপৃথগীশমানিনঃ ।
অজাবলেপান্ধতমোহন্ধচক্ষুষ এমোহনুকম্পে্যা ময়ি নাথবানিতি \ ১০.১৪.১০
ক্বাহং তমোমহদহংখচরাগ্নিবাভূর্ সংবেষ্টিতান্ডঘটসপ্তবিতস্তিকায়ঃ।
ক্বেদৃগ্বিধাবিগণিতান্ডপরাণুচর্যা বাতাধ্বরোমবিবরস্য চ তে মহিত্বম্ \ ১০.১৪.১১
উৎক্ষেপণং গর্ভগতস্য পাদয়োঃ কিং কল্পতে মাতুরধোক্ষজাগসে ।
কিমস্তিনাস্তিব্যপদেশভূষিতং তবাস্তি কুক্ষেঃ কিয়দপ্যনন্তঃ \ ১০.১৪.১২
জগত্রয়ান্তোদধিসংপ্লবোদে নারায়ণস্যোদরনাভিনালাৎ ।
বিনির্গতোহজস্ত্বিতি বাঙ্ ন— বৈ মৃষা কিন্ত্বীশ্বর ত্বন্ন বিনির্গতোহস্মি \ ১০.১৪.১৩
নারায়ণস্ত্বং ন হি সর্বদেহিনামাত্মাস্যধীশাখিললোকসাক্ষী।
নারায়ণোহঙ্গং নরভূজলায়নাৎ তচ্চাপি সত্যং ন তবৈব মায়া \ ১০.১৪.১৪
তচ্চেজ্জলস্থং তব সজ্জগদ্বপুঃ কিং মে ন দৃষ্টং ভগবংস্তদৈব ।
কিং বা সুদৃষ্টং হৃদি মে তদৈব কিং নো সপদ্যেব পুনর্ব্যদর্শি \ ১০.১৪.১৫
অত্রৈব মায়াধমনাবতারে হ্যস্য প্রপঞ্চস্য বহিঃ স্ফুটস্য ।
কৃৎস্নস্য চান্তর্জঠরে জনন্যা মায়াত্বমেব প্রকর্টীকৃতং তে \ ১০.১৪.১৬
যস্য কুক্ষাবিদং সর্বং সাত্মং ভাতি যথা তথা।
তত্ত্বয্যপীহ তৎ সর্বং কিমিদং মায়য়া বিনা \ ১০.১৪.১৭
অদ্যৈব ত্বদৃতেহস্য কিং মম ন তে মায়াত্বমাদর্শিতম্
একোহসি প্রথমং ততো ব্রজসুহৃদ্বৎসাঃ সমস্তা অপি ।
তাবন্তোহসি চতুর্ভজাস্তদখিলৈঃ সাকং ময়োপাসিতাস্
তাবন্ত্যেব জগন্ত্যভূস্তদমিতং ব্রহ্মাদ্বয়ং শিষ্যতে \ ১০.১৪.১৮
অজানতাং ত্বৎপদবীমনাত্ম ন্যাত্মাত্মনা ভাসি বিতত্য মায়াম্ ।
সৃষ্টাবিবাহং জগতো বিধান ইব ত্বমেষোহন্ত ইব ত্রিনেত্রঃ \ ১০.১৪.১৯
সুরেষ¦ষিষ¦ীশ তথৈব নৃষ¦পি তির্যক্ষু যাদঃস্বপি তেহজনস্য ।
জন্মাসতাং দুর্মদনিগ্রহায় প্রভো বিধাতঃ সদনুগ্রহায় চ \ ১০.১৪.২০
কো বেত্তি ভূমন্ ভগবন্ পরাত্মমন্ যোগেশ্বরোতীর্ভবতস্ত্রিলোক্যাম্ ।
ক্ব বা কথং বা কতি বা কদেতি বিস্তারয়ন্ ক্রীড়সি যোগমায়াম্ \ ১০.১৪.২১
তস্মাদিদং জগদশেষমসৎস্বরূপং স্বপ্নাভমস্তধিষণং পুরুদুঃখদুঃখম্ ।
ত্বয্যেব নিত্যসুখবোধতনাবনন্তে মায়াত উদ্যদপি যৎ সদিবাবভাতি \ ১০.১৪.২২
একস্ত্বমাত্মা পুরুষঃ পুরাণঃ সত্যঃ স্বয়ংজ্যোতিরনন্ত আদ্যঃ ।
নিত্যোহক্ষরোহজ¯্রসুখো নিরঞ্জনঃ পূণার্দ্বয়ো মুক্ত উপাধিতোহমৃতঃ \১০.১৪.২৩
এবংবিধং ত্বাং সকলাত্মনামপি স্বাত্মানমাত্মাত্মতয়া বিচক্ষতে ্
গুর্বর্কলব্ধোপনিষৎসুচক্ষুষা যে তে তরন্তীব ভবানৃতাম্বুধিম্ \ ১০.১৪.২৪
আত্মানমেবাত্মতয়াবিজানতাং তেনৈব জাতং নিখিলং প্রপঞ্চিতম্ ।
জ্ঞানেন ভূয়োহপি চ তৎ প্রলীয়তে রজ্জামহের্ভোগভবাভবৌ যথা \ ১০.১৪.২৫
অজ্ঞানসংজ্ঞৌ ভববন্ধমোক্ষৌ দ্বৌ নাম নান্যৌ স্ত ঋতজ্ঞভাবাৎ ্
অজস্রচিত্যাত্মনি কেবলে পরে বিচার্যমাণে তরণাবিবাহনী \ ১০.১৪.২৬
ত্বামাত্মানং পরং মত্বা পরমাত্মানমেব চ ্
আত্মা পুনর্বহির্মৃগ্য অহোহজ্ঞজনতাজ্ঞতা \ ১০.১৪.২৭
অন্তর্ভবেহনন্ত ভবন্তমেব হ্যতত্ত্যজন্তো মৃগয়ন্তি সন্তঃ ।
অসন্তমপ্যন্ত্যহিমন্তরেণ সন্তং গুণং তং কিমু যন্তি সন্তঃ \ ১০.১৪.২৮
অথাপি তে দেব পদাম্বুজদ্বয়প্রসাদলেশানুগৃহীত এব হি।
জানাতি তত্ত্বং ভগন্মহিম্নো ন চান্য একোহপি চিরং বিচিন্বন্ \ ১০.১৪.২৯
তদস্তু মে নাথ স ভূরিভাগো ভবেহত্র বান্যত্র তু বা তিরশ্চাম্ ।
যেনাহমেকোহপি ভবজ্জনানাং ভূত্বা নিষেবে তব পাদপল্লবম্ \ ১০.১৪.৩০
অহোহতিধন্যা ব্রজগোরমণ্যঃ স্তন্যামৃতং পীতমতীব তে মুদা ্
যাসাং বিভো বৎসতরাত্মজাত্মনা যত্তৃপ্তয়েহদ্যাপি ন চালমধ্বরাঃ ১০.১৪.৩১
অহো ভাগ্যমহো ভাগ্যং নন্দগোপব্রজৌকসাম্ ।
যন্মিত্রং পরমানন্দং পূর্নং ব্রহ্ম সনাতনম্ \ ১০.১৪.৩২
এষাং তু ভাগ্যমহিমাচ্যুত তাবদাস্তাম্ একাদশৈব হি বয়ং বত ভূরিভাগাঃ ।
এতদ্ধৃষীকচষকৈরসকৃৎ পিবামঃ শর্বাদয়োহঙ্ঘ্রু্যদজমধ্বমৃতাসবং তে \ ১০.১৪.৩৩
তদ্ ভূরিভাগ্যমিহ জন্ম কিমপ্যটব্যাং যদ্ গোকুলেহপি কতমাঙ্ঘ্রিরজোহভিষেকম্ ।
যজ্জর্ীবিতং তু নিখিলং ভগবান্মুকুন্দস্ ত্বদ্যাপি যৎপদরজঃ শ্রম্নতিমৃগ্যমেব \ ১০.১৪.৩৪
এষাং ঘোষনিবাসিনামুত ভবান্ কিং দেব রাতেতি নশ্
চেতো বিশ্বফলাৎ ফলং ত্বদপরং কুত্রাপ্যয়ন্মূহ্যতি ।
সদ্বেষাদিব পূতনাপি সকুলা ত্বামেব দেবাপিতা
যদ্ধামার্থসুহৃৎপ্রিয়াত্মতনয়প্রাণাশয়াস্ত্বৎকৃতে \ ১০.১৪.৩৫
তাবদ্ রাগাদয়ঃ স্তেনাস্তাবৎ কারাগৃহং গৃহম্ ।
তাবন্মোহোহঙ্ঘ্রিনিগড়ো যাবৎ কৃষ্ণ ন তে জনাঃ \ ১০.১৪.৩৬
প্রপঞ্চং নিষ্প্রপঞ্চোহপি বিড়ম্বায়সি ভূতলে ।
প্রপন্নজনতানন্দসন্দোহং প্রথিতুং প্রভো \ ১০.১৪.৩৭
জানন্ত এব জানন্তু কিং বহুক্ত্যা ন মে প্রভো ।
মনসো বপুষো বাচো বৈভবং তব গোচরঃ \ ১০.১৪.৩৮
অনুজানীহি মাং কৃষ্ণ সর্বং ত্বং বেৎসি সর্বদৃক্ ।
ত্বমেব জগতাং নাথো জগদেতত্তবার্পিতম্ \ ১০.১৪.৩৯
শ্রীকৃষ্ণ বৃষ্ণিকুলপুষ্করজোষদায়িন্ ক্ষ্মানির্জরদ্বিজপশূদধিবৃদ্ধিকারিন্ ।
উদ্ধর্মশার্বরহর ক্ষিতিরাক্ষসধ্রুগ্ আকল্পমার্কমর্হন্ ভগবন্নমস্তে \ ১০.১৪.৪০
শ্রীশুক উবাচ
ইত্যভিষ্টূয় ভূমানং ত্রিঃ পরিক্রম্য পাদয়োঃ ।
নত্বাভীষ্টং জগদ্ধাতা স্বধাম প্রত্যপদ্যত \ ১০.১৪.৪১
ততোহনুজ্ঞাপ্য ভগবান্ স্বভুবং প্রাগবস্থিতান্ ।
বৎসান্ পুলিনমানিন্যে যথাপূর্বসখং স্বকম্ \ ১০.১৪.৪২
একস্মিন্নপি যাতেহব্দে প্রাণেশং চান্তরাত্মনঃ ।
কৃষ্ণমায়াহতা রাজন্ ক্ষণার্ধং মেনিরেহর্ভকাঃ \ ১০.১৪.৪৩
কিং কিং ন বিস্মরন্তীহ মায়ামোহিতচেতসঃ ।
যন্মোহিতং জগৎ সর্বমভীক্ষèং বিস্মৃতাত্মকম্ \ ১০.১৪.৪৪
উচুশ্ব সুহৃদঃ কৃষ্ণং স্বাগতং তেহতিরংহসা ।
নৈকোহপ্যভোজি কবল এহীতঃ সাধু ভুজ্যতাম্ \ ১০.১৪.৪৫
ততো হসন্ হৃষীকেশোহভ্যবহৃত্য সহার্ভকৈঃ ।
দর্শয়ংশ্চমার্জগরং ন্যবর্তত বনাদ্ ব্রজম্ \ ১০.১৪.৪৬
বর্হপ্রসূনবনধাতুবিচিত্রিতাঙ্গঃ প্রোদ্দামবেণুদলশৃঙ্গরবোৎসবাঢ্যঃ ।
বৎসান্ গৃণন্ননুগগীতপবিত্রকীর্তির্ গোপীদৃশুৎসবদৃশিঃ প্রবিবেশ গোষ্ঠম্ \ ১০.১৪.৪৭
অদ্যানেন মহাব্যালো যশোদানন্দসূনুনা ।
হতোহবিতা বয়ং চাস্মাদিতি বালা ব্রজে জগুঃ \ ১০.১৪.৪৮
শ্রীরাজোবাচ
ব্রহ্মন্ পরোদ্ভবে কৃষ্ণে ইয়ান্ প্রেমা কথং ভবেৎ ।
যোহভূতপূর্বস্তোকেষূ স্বোদ্ভবেষ¦পি কথ্যতাম্ \ ১০.১৪.৪৯
শ্রীশুক উবাচ
সর্বেষামপি ভূতানাং নৃপ স্বাত্মৈব বল্লভঃ ।
ইতরেহপত্যবিত্তাদ্যাস্তদ্বল্লভতয়ৈব হি \ ১০.১৪.৫০
তদ্রাজেন্দ্র যথা স্নেহঃ স্বস্ব^কাত্মনি দেহিনাম্ ।
ন তথা মমতালম্বিপুত্রবিত্তগৃহাদিষু \ ১০.১৪.৫১
দেহাত্মবাদিনাং পুংসামপি রাজন্যসত্তম।
যথা দেহঃ প্রিয়তমস্তথা ন হ্যনু যে চ তম্ \ ১০.১৪.৫২
দেহোহপি মমতাভাক্ চেত্তর্হ্যসৌ নাত্মবৎ প্রিয়ঃ ।
যজ্জীর্যত্যপি দেহেহস্মিন্ জীবিতাশা বলীয়সী \ ১০.১৪.৫৩
তস্মাৎ প্রিয়তমঃ স্বাত্মা সর্বেষামপি দেহিনাম্ ।
তদর্থমেব সকলং জগদেতচ্চরাচরম্ \ ১০.১৪.৫৪
কৃষ্ণমেনমবেহি ত্বমাত্মানমখিলাত্মনাম্ ।
জগদ্ধিতায় সোহপ্যত্র দেহীবাভাতি মায়য়া \ ১০.১৪.৫৫
বস্তুতো জানতামত্র কৃষ্ণং স্থাস্নু চরিষ্ণু চ ।
ভগবদ্রপমখিলং নান্যদ্ বস্ত্বিহ কিঞ্চন \ ১০.১৪.৫৬
সর্বেষামপি বস্তুুনাং ভাবাথোর্ ভবতি স্থিতঃ ।
তস্যাপি ভগবান্ কৃষ্ণঃ কিমতদ্ বস্তু রূপ্যতাম্ \ ১০.১৪.৫৭
সমাশ্রিতা যে পদপল্লবপ্লবংমহৎপদং পুণ্যযশো মুরারেঃ ।
ভবাম্বুধির্বৎসপদং পরং পদংপদং পদং যদ্ বিপদাং ন তেষাম্ \ ১০.১৪.৫৮
এতত্তে সর্বমাখ্যাতং যৎ পৃষ্টোহহমিহ ত্বয়া ।
তৎ কৌমারে হরিকৃতং পৌগন্ডে পরিকীর্তিতম্ \ ১০.১৪.৫৯
এতৎ সুহৃদ্ভিশ্চরিতং মুরারের অঘার্দনং শাদ্বলজেমনং চ ।
ব্যক্তেতরদ্ রূপমজোর্বভিষ্টবং শৃণ¦ন্ গৃণন্নেতি নরোহখিলার্থান্ \ ১০.১৪.৬০
এবং বিহারৈঃ কৌমারৈঃ কৌমারং জহতুর্ব্রজে ।
নিলায়নৈঃ সেতুবন্ধৈর্মর্কটোৎপ্লবনাদিভিঃ \ ১০.১৪.৬১
শ্রীনারদ উবাচ
এবং সুরাদয়ঃ সর্বে ব্রহ্মরুদ্রপুরঃসরাঃ।
নোপৈতুমশকন্মন্যুসংরম্ভং সুদুরাসদম্ \ ৭.৯.১
সাক্ষাৎ শ্রীঃ প্রেষিতা দেবৈদৃর্ষ্টা তং মহদদ্ভুম্ ।
অদৃষ্টাশ্রম্নতপূর্বত্বাৎ সা নোপেয়ায় শঙ্কিতা \ ৭.৯.২
প্রহ্লাদং প্রেষয়ামাস ব্রহ্মাবস্থিতমন্তিকে ্
তাত প্রশময়োপেহি স্বপিত্রে কুপিতং প্রভুম্ \ ৭.৯.৩
তথেতি শনকৈ রাজন্ মহাভাগবতোহর্ভকঃ।
উপেত্য ভুবি কায়েন ননাম বিধৃতাঞ্জলিঃ \ ৭.৯.৪
স্বপাদমূলে পতিতং তমর্ভকং
বিলোক্য দেবঃ কৃপয়া পরিপ্লুতঃ ।
উত্থাপ্য তচ্ছীষ্ণর্্যদধাৎ করাম্বুজং
কালাহিবিত্রস্তধিয়াং কৃতাভয়ম্ \ ৭.৯.৫
স তৎকরস্পর্শধুতাখিলাশুভঃ
সপদ্যভিব্যক্তপরাত্মদর্শনঃ ্
তৎপাদপদ্মং হৃদি নির্বৃতো দধৌ
হৃষ্যত্তনুঃ ক্লিন্নহৃদশ্রম্নলোচনঃ \ ৭.৯.৬
অস্তৌষীদ্ধরিমেকাগ্রমনসা সুসমাহিতঃ।
প্রেমগদগদয়া বাচা তন্ন্যস্তহৃদয়েক্ষণঃ \ ৭.৯.৭
শ্রীপ্রহ্লাদ উবাচ
ব্রহ্মাদয়ঃ সুরগণা মুনয়োহথ সিদ্ধাঃ
সত্ত্বৈকতানগতয়ো বচসাং প্রবাহৈঃ ।
নারাধিতুং পুরুগুণৈরধুনাপি পিপ্রম্নঃ
কিং তোষ্টুমর্হতি স মে হরিরুগ্রজাতেঃ \ ৭.৯.৮
মন্যে ধনাভিজনরূপতপঃশ্রম্নতৌজ—
স্তেজঃপ্রভাববলপৌরুযবুদ্ধিযোগাঃ।
নারাদনায় হি ভবন্তি পরস্য পুংসো
ভক্ত্যা তুতোষ ভগবান্ গজযুথপায় \ ৭.৯.৯
বিপ্রাদ্ দ্বিষড়্গুণযুতাদরবিন্দনাভ—
পাদারবিন্দবিমুখাৎ শ্বপচং বরিষ্ঠম্ \
মন্যে তদর্পিতমনোবচনেহিতার্থ—
প্রাণং পুনাতি স কুলং ন তু ভুরিমানঃ \ ৭.৯.১০
নৈবাত্মনঃ প্রভুরয়ং নিজলাভপূণোর্
মানং জনাদবিদুষঃ করুণো বৃণীতে।
যদ্ যজ্জনো ভগবতে বিদধীত মানং
তচ্চাত্মনে প্রতিমুখস্য যথা মুখশ্রীঃ \ ৭.৯.১১
তস্মাদহং বিগতবিক্লব ঈশ্বরস্য
সর্বত্মনা মহি গৃণামি যথামনীষম্্
নীচোহজয়া গুণবিসর্গমনুপ্রবিষ্টঃ
পূয়েত যেন হি পুমাননুবর্ণিতেন \ ৭.৯.১২
সর্বে হ্যমী বিধিকরাস্তব সত্ত্বধাম্নো
ব্রহ্মাদয়ো বয়মিবেশ ন চোদ্বিজন্তঃ।
ক্ষেমায় ভূতয় উতাত্মসুখায় চাস্য
বিক্রীড়িতং ভগবতো রুচিরাবতারৈঃ \ ৭.৯.১৩
তদ্ যচ্ছ মন্যুমসুরশ্চ হতস্ত্বয়াদ্য
মোদেত সাধুরপি বৃশ্চিকসর্পহত্যা ।
লোকাশ্চ নিবৃর্তিমিতাঃ প্রতিয়ন্তি সর্বে
রূপং নৃসিংহ বিভয়ায় জনাঃ স্মরন্তি \ ৭.৯.১৪
নাহং বিভেম্যজিত তেহতিভয়ানকাস্য—
জিহ্বার্কনেত্রভ্রম্নকটীরভসোগ্রদংষ্ট্রাৎ ।
আন্ত্র¯্রজঃ ক্ষতজকেশরশঙ্কুকর্ণা
ন্নির্হাদভীতদিগিভাদরিভিন্নখাগ্রাৎ \ ৭.৯.১৫
ত্রস্তোহস্ম্যহং কৃপণবৎসল দুঃসহোগ্র—
সংসারচক্রকদনাদ্ গ্রসতাং প্রণীতঃ ।
বদ্ধঃ স্বকর্মভিরুশত্তম তেহঙ্ঘ্রিমূলং
প্রীতোহপবর্গশরণং হৃয়সে কদা নু \ ৭.৯.১৬
যস্মাৎ প্রিয়াপ্রিয়বিয়োগসংযোগজন্ম—
শোকাগ্নিনা সকলযোনিষু দহ্যমানঃ।
দুঃখৌষধং তদপি দুঃখমতদ্ধিয়াহং
ভূমন্ ভ্রমামি বদ মে তব দাস্যযোগম্ \ ৭.৯.১৭
সোহহং প্রিয়স্য সুহৃদঃ পরদেবতায়া
লীলাকথাস্তব নৃসিংহ বিরিঞ্চগীতাঃ।
অঞ্জস্তিতর্ম্যনুগৃণন্ গুণবিপ্রমুক্তো
দুর্গাণি তে পদযুগালয়হংসসঙ্গঃ \ ৭.৯.১৮
বালস্য নেহ শরণং পিতরৌ নৃসিংহ
নার্তস্য চাগদমুদন্বতি মজ্জতো নৌঃ।
তপ্তস্য তৎপ্রতিবিধির্য ইহাঞ্জসেষ্ট—
স্তাবদ্ বিভো তনুভৃতাং ত্বদুপেক্ষিতানাম্ \ ৭.৯.১৯
যস্মিন্ যতো যর্হি যেহ চ যস্য যস্মাদ্
যস্মৈ যথা যদুত যস্ত্বপরঃ পরো বা।
ভাবঃ করোতি বিকরোতি পৃথক্স্বভাবঃ
সঞ্চোদিতস্তদখিলং ভবতঃ স্বরূপম্ \ ৭.৯.২০
মায়া মনঃ সৃজতি কর্মময়ং বলীয়ঃ
কালেন চোদিতগুণানুমতেন পুং সঃ।
ছন্দোময়ং যদজয়ার্পিতষোড়শারং
সংসারচক্রমজ কোহতিতরেৎ ত্বদন্যঃ \৭.৯.২১
স ত্বং হি নিত্যবিজিতাত্মগুণঃ স্বধাম্না
কালো বশীকৃতবিসৃজ্যবিসর্গশক্তিঃ।
চক্রে বিসৃষ্টমজয়েশ্বর ষোড়শারে
নিষ্পীড্যমানমুপকর্ষ বিভো প্রপন্নম্ \ ৭.৯.২২
ক্বাহং রজঃপ্রভব ঈশ তমোহধিকেহস্মিন
জাতঃ সুরেতরকুলে ক্ক তবানুকম্পা।
ন ব্রহ্মণো ন তু ভবস্য ন বৈ রমায়া
যন্মেহর্পিতঃ শিরসি পদ্মকরঃ প্রসাদঃ \ ৭.৯.২৬
এবং জনং নিপতিতং প্রভবাহিকূপে
কামাভিকামমনু যঃ প্রপতন্ প্রসঙ্গাৎ।
কৃত্বাত্মসাৎ সূরর্ষিণা ভগবন্ গৃহীতঃ
সোহহং কথং নু বিসৃজে তব ভৃত্যসেবাম্ \ ৭.৯.২৮
ইত্থং নৃতির্যগৃষিদেবঝষাবতারৈ—
র্লোকান্ বিভাবয়সি হংসি জগৎপ্রতীপান্ ।
ধর্মং মহাপুরুষ পাসি যুগানুবৃত্তং
ছনড়বঃ কলৌ যদভবস্ত্রিযুগোহথ স ত্বম্ \ ৭.৯.৩৮
নৈতন্মনস্তব কথাসু বিকুন্ঠনাথ
সম্প্রীয়তে দুরিতদুষ্টমসাধু তীব্রম\
কামাতুরং হর্ষশোকভয়ৈষণার্তং
তস্মিন্ কথং তব গতিং বিমৃশামি দীনঃ \ ৭.৯.৩৯
জিহ্বৈকতোহচ্যুত বিকর্ষতি মাবিতৃপ্তা
শিশেড়বাহন্যতস্ত্বগুদরং শ্রবণং কুতশ্চিৎ।
ঘ্রাণোহন্যতশ্চপলদৃক্ ক্ব চ কর্মশক্তি—
র্বহ্ব্যঃ সপতড়ব্য ইব গেহপতিং লুনন্তি \ ৭.৯.৪০
নৈবোদ্বিজে পর দুরত্যয়বৈতরণ্যা—
স্ত্বদ্বীর্যগায়নমহামৃতমগড়বচিত্তঃ।
শোচে ততো বিমুখচেতস ইন্দিয়ার্থ—
মায়াসুখায় ভরমুদ্বহতো বিমূঢ়ান্ \ ৭.৯.৪৩
প্রায়েণ দেব মুনয়ঃ স্ববিমুক্তিকামা
মৌনং চরন্তি বিজনে ন পরার্থনিষ্ঠাঃ।
নৈতান্ বিহায় কৃপণান্ বিমুমুক্ষ একো
নান্যং ত্বদস্য শরণং ভ্রমতোহনুপশ্যে \ ৭.৯.৪৪
যন্মৈথুনাদি গৃহমেধিসুখং হি তুচ্ছং
কন্ডুয়নেন করয়োরিব দুঃখদুঃখম্ ।
তৃপ্যন্তি নেহ কৃপণা বহুদুঃখভাজঃ
কন্ডুতিবন্মনসিজং বিষহেত ধীরঃ \ ৭.৯.৪৫
মৌনব্রতশ্রম্নততপোহধ্যয়নস্বধর্ম—
ব্যখ্যারহোজপসমাধয় আপবর্গ্যাঃ।
প্রায়ঃ পরং পুরুষ তে ত্বজিতেন্দ্রিয়াণাং
বার্তা ভতন্তু্যত ন বাত্র তু দাম্ভিকানাম্ \ ৭.৯.৪৬
কোন মন্তব্য নেই